Наследникот на BMW серија 6 (F13) е идеалната комбинација од највисокиот квалитет и максималните перформанси. Уникатниот дизајн веќе ја навестува амбицијата на луксузното спортско купе. Рамните предни светла со опционално ласерско осветлување ја акцентираат рамната, ниска силуета и претставуваат нова естетска форма. Јасно повлечените линии, мускулестите рамена и рамната линија на покривот го комбинираат карактерот на спортски автомобил со стремежите на луксузната класа на BMW.

Внатрешноста возбудува со својот прогресивен изглед, во кој сè упатува во една насока: напред. Луксузните материјали во внатрешноста, како што се внатрешните лајсни изработени од висококвалитетно дрво и индивудуалната BMW кожена опрема го исполнуваат ветувањето за несекојдневно чувство. А мноштвото уникатни бои за аросерија значи дека совршено ги изразува индивидуалните вкусови.

Дигиталната кабина на спортски автомобил обезбедува сигурна контрола врз моќта на возилото и BMW серија 8 секогаш вклучува иновативни технологии како што се најновите системи за безбедност и помош.

Бескомпромисната возна динамика е преземена директно од мотоспортот, исто како и Xdrive погонскиот систем на сите четири тркала, M sport диференцијалот и електромеханичката стабилизација при тркалање. Заедно со карактеристичните високоефикасни и моќни погонски системи, BMW серија 8 купе овозможува и максимална моќност – до 460 kW (625 КС) во M8 Competition Coupé – од двоен 8-цилиндричен мотор со турбо полнење. Денес, тоа е најмоќниот мотор употребен во некое возило произведено од BMW.

Период на производство: 2018–денес
Мотори: 3,0–4,4 литри (245–460 kW, 333–625 кс), 6- & 8-цилиндри
Должина/ширина/висина: 4.843–4.867 mm/1.902–1.907 mm/1.339–1.362 mm

BMW серија 8 Gran Coupé со четири врати, кој исто така е достапен од 2019 година, ги комбинира екстравагантниот луксуз и сензационалните перформанси при возење на купеата на BMW серија 8 со импресивна пространост. Долгото меѓуоскино растојание и лесно поткренатата линија на покривот овозможуваат широк простор за главата и нозете. Панорамскиот стаклен покрив пропушта многу светлина и, ако е потребно, свеж воздух во возилото со функцијата на лизгање и кревање. Згора на тоа, создава непречен поглед од предниот до задниот прозорец.

Во внатрешноста, првокласните детали и висококвалитетната кожа – која може да биде рачно шиена на барање – ги насладуваат сетилата. Внатрешноста може да се персонализира до најситните детали, како BMW Live Cockpit Professional, кој вклучува инструмент дисплеј со висока резолуција, контролниот дисплеј во централната конзола и BMW Head-Up Display. Тие можат да се контролираат со допир или преку iDrive контролорот, како и со гестови или гласовни наредби.

На надворешната страна, луксузното спортско купе го револуционизира стилот во својата класа со атлетски преден дел, елегантна силуета и впечатлив заедн дел. Елегантните странични делови ги истакнуваат неверојатните бои на каросерија кои вклучуваат специјални сјајни и светкави ефекти.

Моќните twin power турбо бензински мотори и двојниот линиски дизел мотор со турбо полнење му даваат на BMW серија 8 Gran Coupé уникатна брзина и возна динамика што го ставаат возилото на чело на својата класа. Тие се акцентирани од нискиот центар на гравитација и големата крутост на возилото.

 BMW серија 8 Gran Coupé гарантира врвно возење во град, на автопат и по кривулестите селски патишта. А тој е идеален партнер за и далечните патувања.

Период на производство: 2019–денес
Мотори: 3,0–4,4 литри (245–460 kW, 333–625 hкс), 6- & 8-цилиндри
Должина/ширина/висина: 5.074–5.098 mm/1.932–1.948 mm/1.401–1.420mm