Врз основа на ексклузивен договор, M Кар дооел го претставува BMW Group во Македонија и Косово.

На 15 септември 2015 година, со потпишување на договорот за официјален претставник на возилата од марките BMW и MINI, започна официјалната работа на компанијата: продажба на возила, продажба на резервни делови и постпродажни активности.

Компанијата поседува продажен и сервисен центар за BMW и MINI, лоциран во Скопје. Од почетоците на своето работење компанијата врши и дипломатска продажба. Од 2017 година компанијата е и центар за продажба на сертифицирани користени возила на BMW - BMW Premium Selection и врши продажба и откуп на користени возила по принципот „старо за ново“. Во 2020 година, М Кар ја додаде и програмата за целосно електрични возила BMWi во својата гама.

Мисијата на М Кар дооел е да биде лидер во премиум сегментот, синоним за ексклузивен квалитет, врвен дизајн, безбедност и луксуз. Со континуирано исполнување на најновите стандарди на BMW Group, поседувајќи извонредна инфраструктура,  квалитетот на брендовите кои ги застапува и работејќи со искусен и посветен тим, М Кар секогаш цели кон задржување на највисоките стандарди на грижа и задоволство на своите клиенти.

Истовремено, важен бизнис принцип на M Кар дооел е општествено одговорното работење во согласност со сите закони и прописи кои ја регулираат оваа област, почитувајќи ги внатрешните деловни принципи и принципите на странските партнери.