BMW ЕЛЕКТРИЧНИ АВТОМОБИЛИ.

Чисто електричен автомобил (BEV, Battery Electric Vehicle) вози исклучително на електрична енергија. Па затоа, нема мотор со внатрешно согорување како погонска единица. Електричната енергија се складира во батерија. Нејзиниот капацитет ја одредува можноста за изминати километри на електричниот автомобил, или со еден збор растојанието кое може да се измине со едно полнење на батеријата.

Чисто електричните автомобили се идеални за корисниците кои можат да ги полнат електричните автомобили на работа или дома. Во исто време, интензивно се работи на проширување на јавната инфраструктура за полнење. Новите станици за полнење се појавуваат во урбаните средини и крај автопатите. Тука, исто така, се вклучени и голем број на станици за полнење со голема моќност за ултра брзо полнење во тек на патувањето. Како резултат на тоа, во иднина патувањата на големи растојанија ќе стануваат се полесни и полесни.

Електричниот автомобил нуди комплетно ново, емоционално набиено чувство на возење. Благодарение на вртежниот момент кој е достапен од мирување, можете да ја доживеете електричната динамика и спонтаното забрзување. Во исто време, скоро бесшумниот електричен мотор ви нуди ново и опуштено искуство при возењето.

Кога всушност го возите, BEV исто така е без штетни емисии (изразот кој исто така се користи е „локално“) па затоа и нуди максимална заштита на околината.

Дополнителните предности од BEV се високите категории на субвенции и даночни ослободувања специфични за секоја земја.

Значаен надворешен фактор кој влијае на перформансите и капацитетот на батеријата е температурата. Истото можете да го забележите и кај батериите на мобилните телефони. Многу ниските температури можат значително да ги ограничат перформансите на батеријата. Слично е и со вашето електрично возило. Меѓутоа, нашите оптимизирани стратегии за изведба го намалуваат ефектот што може да го има температурата.

Дали знаевте дека капацитетот на батеријата исто така влијае на информацијата за преостанатото растојание кое може да се измине? Покрај температурата, ова растојание е под влијание на други фактори кои одредуваат колку брзо енергијата се троши, како што е употребата на системот за климатизација, моменталното оптоварување, и вашиот стил на возење.

Доколку е потребно да го надополните вашиот електричен автомобил кога не сте дома, вашето BMW возило ќе биде подготвено за полнење на приклучок со еднонасочна струја* на вашата дестинација, што значи дека високонапонската батерија ќе ја доведе до оптимална работна температура додека пристигнете. Со тоа се зголемува максималната моќ во текот на полнењето и го намалува потребното време.

* Се однесува само на BMW електрични возила.

Доколку не планирате да го користите возилото подолго време, на пример, за време на годишниот одмор, постојат разни начини кои позитивно ќе влијаат на векот на траење на батеријата. Доколку е можно, одржувајте помеѓу 30 и 50% полна батерија, а возилото оставете го на ладно или во сенка за време на летните месеци, а во зима чувајте го во гаража. Исто така, возилото не смее да се остава приклучено на електрична енергија за полнење доколку подолго време останува во мирување.

Можно растојание кое вашиот електричен автомобил може да го измине зависи од разни фактори како што се стилот на возење, состојбата на патот, опременоста на возилото, временските услови и товарот, соодеветно.

Како што е случај и кај возилата со внатрешно согорување, стилот на возење, исто така, влијае на растојанијата и кај електричниот автомобил. Генерално, антиципациски, релаксиран и конзистентен стил на возење го оптимизира можното растојание. Доколку, на пример, ја намалите брзината на автопат, можете значително да го зголемите растојанието. За време на рекуперација, тоа значи кога и да ја подигнете ногата од педалот за забрзување, кинетичката енергија се претвора во електрична енергија и ја полни батеријата – притоа добивате дополнителни километри во можното растојание.

Големите просечни брзини (на автопат) значително го намалуваат растојанието кое може да се измине, додека градскиот сообраќај доведува до зголемување на растојанието поради малите брзини и поголемото учество на рекуперација на енергија (наспроти возилата со внатрешно согорување). Понатаму, растојанието кое може да се измине се намалува при ниски температури поради греењето, и на високи температури поради климатизацијата. Во однос на специјалните функции/опрема, изборот на комбинација со поголеми тркала го намалува растојанието (доколку аеродинамичните недостатоци не се компензираат со позатворен дизајн на тркалото). Класата на тркалање на пневматикот, исто така, е значајна за растојанието кое возилото може да го измине: на пр., употребата на зимски пневматици го намалува растојанието кое може да се измине споредено со летните пневматици со ознака A.

При избор на моделот, наведеното растојание кое може да се измине се темели на циклусот WLTP (Worldwide harmonized Light-Duty Test Procedure).

WLTP овозможува пресметување на растојанието под пропишани услови на возење. WLTP претпоставува комбиниран неагресивен стил на возење на градски улици, регионален пат и автопат.

Индикаторот за преостанатото растојание овозможува проценка на можно растојание при типични услови на возење. Надворешниот круг претставува пресметка на база на линеарни оддалечености (не реални мапи со улици), додека внатрешниот круг прикажува пресметана вредност намалена за 30% за да ги земе предвид реалните рути.

Лизинг:

·        Купувачот не мора да се грижи за купување на електричното возило по истекот на договорот за лизинг.

·        Купувачот може да изврши нарачка на други услуги како што е Service Inclusive.

Финансирање:

·        Купувачот е сопственик на електричното возило.

·        Купувачот може да го финансира електричното возило во подолг период во однос на лизингот.

Во рамките на лизингот да, во рамки на финансирање не > но сепак, постои можност на склучување на договор преку BMW партнерите за осигурување.

Специфично за државата. Повеќето земји во моментот нудат државни субвенции за набавка на електрични возила. Покрај државата, достапна е и дополнителна поддршка од страна на општините.

Специфично за државата. Да, во некои земји се нудат даночни олеснувања, како што е укинување на данокот за возила.

Специфично за државата. Во повеќето земји договорите за лизинг или финансирање се можни и без претходно учество.